އަލުން އެ ނޫ ތިއްކަށް ބަލައިލަމާހެއްޔެވެ. އެއީ މިތަނެވެ. އެއީ ވަޒަނެވެ. އެއީ އަހަރެމެންނެވެ. އަހަރެމެން ލޯބިވާ އެންމެންނާ، ދަންނަ އެންމެންނާ، އެބައެއްގެ އަޑުއިވިފައިވާ އެންމެންނާ، ދުނިޔެއަށް އައި ކޮންމެ އިންސާނެއް، އޭގެ މަތީގައި އެމީހުންގެ ހަޔާތް ވޭތުކޮށްފައިވެއެވެ. އަހަރެމެން އަޅާހާ ވޭނުގެ ޖުމްލައާ، އެތައް ހާސް ދީންތަކާ ފިކުރުތަކާ އިގްތިސޯދީ ވިސްނުންތަކާ، ކޮންމެ ޝިކާރަވެރިޔަކާ ކާބޯތަކެތި ހޯދާ މީހަކާ، ކޮންމެ ބަތަލަކާ ފިނޑިއަކާ، ގައުމުތައް ބިނާކޮށް ހަލާކުކުރާ މީހުންނާ، ކޮންމެ ރަސްކަލަކާ ރައްޔިތުމީހަކާ، ލޯބިވެގެން އުޅޭ ކޮންމެ ޒުވާން ޖޯޑަކާ، ކޮންމެ މަންމައަކާ ބައްޕައަކާ، އުންމީދީ ކުއްޖަކާ، އީޖާދުކުރާމީހާއާ ހޯދުންތައް ހޯދާ މީހާއާ، ހެވާނުބައި ދަސްކޮށްދޭ ކޮންމެ މުދައްރިސަކާ، ފަސާދަވެފައިވާ ކޮންމެ ސިޔާސީ މީހަކާ، ކޮންމެ ސުޕަސްޓާރަކާ، ކޮންމެ ލީޑަރަކާ، އަހަރެމެންގެ ނަސްލުގެ ތާރީހުގެ ކޮންމެ ފާފަވެރިޔަކާ ވަލީވެރިޔެއް އުޅެފައިވަނީ އެތަނުގައެވެ - އަވި ދޯއްޖެއްގައި އެނބުރެމުންދާ އެހިރަފުހުގެ ޒައްރާގައެވެ. -ކާލް ސޭގަން